Փետրվարի 13-ին Նիդեռլանդների ոստիկանությունը վնասազերծել է Լյոսդեն քաղաքում Unisys ընկերության գրասենյակ ուղարկված պայթուցիկով նամակը: Այս մասին տեղեկացնում է РИА Новости գործակալությունը` հղում անելով Ուտրեխտ նահանգի ոստիկանությանը:
«Մասնագետները հաստատում են, որ նամակը պայթուցիկով է եղել: Նյութն ապաակտիվացվել է և ուղարկվել է փորձաքննության: Հնարավոր է, որ կապ կա պայթուցիկներով նախորդ նամակների հետ»,-հայտարարել է ոստիկանությունը:
Այս դեպքի հետաքննությամբ զբաղվում է Ամստերդամի ոստիկանությունը:
Անվտանգության նկատառումներով նամակը հայտնաբերելուց հետո դեպքի վայր են ժամանել հրշեջ ծառայությունն ու շտապօգնությունը:
Ինչպես ավելի վաղ տեղեկացրել էինք, փետրվարի 12-ին Ամստերդամի փոստային ընկերության գրասենյակում երկու պայթյուն է տեղի ունեցել` ենթադրաբար նամակում տեղադրված պայթուցիկի պատճառով:
