Փաստաբաններ Ալեքսանդր Սիրունյանի և Կարեն Կիրակոսյանի կողմից ենթադրյալ խարդախություն կատարելու փաստի առթիվ քրեական գործ է հարուցվել: Այս մասին «Փաստինֆո»-ին հայտնեցին ՀՀ քննչական կոմիտեից՝ նշելով, որ քրեական գործը հարուցվել է քաղաքացու հաղորդման հիման վրա։ «Ոստիկանությունում քաղաքացին հաղորդում է ներկայացրել առ այն, որ փաստաբանները յուրացրել են իր եղբորը գրավով ազատելու գումարը: Հաղորդման հիման վրա ոստիկանությունում հարուցվել է քրեական գործ, որն ուղարկվել է Կենտրոն և Նորք Մարաշ վարչական շրջանների քննչական բաժին և կատարվում է նախաքննություն»,- հայտնեցին ՀՀ ՔԿ-ից: