Կատալոնական «Բարսելոնայի» ղեկավարությունը ձմեռային տրանսֆերային պատուհանի վերջին օրը փորձել է պայմանագիր կնքել Փարիզի ՊՍԺ-ի և Ուրուգվայի ազգային հավաքականի հարձակվող Էդինսոն Կավանիի հետ:
L'Equipe-ի հաղորդմամբ՝ «Բարսելոնան» Կավանիին ձեռք բերելու փորձ կատարել է իսպանական «Վալենսիայի» հարձակվող Ռոդրիգոյի տեղափոխության հարցում մերժում ստանալուց հետո:
Կավանին մերժել է «Բարսելոնայն», քանի որ կատալոնական ակումբի առաջարկած պայմանագիրը նախատեսված է եղել մինչև ընթացիկ մրցաշրջանի ավարտ:
Էդինսոն Կավանիի տեղափոխությամբ հետաքրքրված էին նաև Լոնդոնի «Չելսին» ու Մադրիդի «Աթլետիկոն», սակայն 32-ամյա հարձակվողը, չկարողանալով համաձայնության գալ թիմերի հետ ֆինանսական կետերի շուրջ, որոշեց շարունակել մրցելույթները ՊՍԺ-ում:
Ընթացիկ մրցաշրջանում Կավանին փարիզյան ակումբի կազմում մասնակցել է 12 հանդիպման՝ դառնալով 4 գոլի հեղինակ:
00:00:00
