Երևանի ընդհանուր իրավասության դատարանի Կենտրոն Նորք-Մարաշ նստավայրում շարունակվում է «Զինված խմբի» գործով դատաքննությունը: Դատարանը գտնվում է գաղտնալսումների հրապարակման փուլում: Դատարանում հրապարակվում են «Զինված խմբի» ղեկավար համարվող Արթուր Վարդանյանի և գյումրեցի տաքսու վարորդ Արթուր Հակոբյանի խոսակցությունների ձայնագրությունները: Հրապարակված գղտնալսման մեջ մասնավորապես ասվում է. Ա. Հ-Ինքը ասումա` ախպեր ոչ մի պրոբլեմ չկա, նամակով ներկայացի` ինչ պետքա կուղարկվի Հայաստան: Ա.Վ-Ցուցակ էի ուղարկել, տեսար: Ես քեզ ասել եմ մեկ, երկու, երեք, չորս , հինգ, որ մեկնա՞: Ա.Հ -Յաշիկով փուչիկ, չորս յաշիկ: Դու պետքա ըսես քանի յաշիկ: Մի հատը 90 դոլար է, դու պետքա որոշես քեզ քանի հատա պետք: Պեկան 2 հազար է… Ա.Վ-Ուզում եմ դրանից, բեր քանի յաշիկ: Ա.Հ.- Կարճը որ բերի էն անգամ, կա՝ 1800 –ով: Մակարը 1200: ՏՏ-ն 1400 է: Սրանք ստուչնի են: փուչիկները 90: Ինչ ուզես կա, դու մենակ հելի արի: Ա.Վ-Մի հատ իրան հարցրա, որ գամ՝ կարամ սաղ իմ աչքով տեսնեմ: Ա.Հ-Գնի բազառ է գնում, ապրանքը պահեստից ա բերվում:Կասեմ, կգաս… Արդեն հայտնել ենք, որ դատարանը գտնվում է գաղտնալսումների ուսումնասիրության փուլում: Ձայնագրությունների հրապարակման ընթացքում Արթուր Վարդանյանի պաշտպան Լևոն Բարսեղյանը բողոքեց, թե պետք չէ զավեշտի վերածել գործընթացը, քանի որ Արթուր Վարդանյանը ընդունել է, որ հայտնաբերված զինամթերքը իրեն էպատկանում: