ՈւԵՖԱ-ի պաշտոնական կայքում մեկնարկել է ֆուտբոլի Եվրոպայի լիգայի շաբաթվա լավագույն ֆուտբոլիստի քվեարկությունը: Քառորդ եզրափակիչի առաջին հանդիպումների արդյունքում, լավագույնի կոչմանը հավակնում է Լոնդոնի «Արսենալի» ուելսցի կիսապաշտպան Աարոն Ռեմսին, որը Մոսկվայի ԲԿՄԱ-ի դեմ խաղում (4:1) դարձել է դուբլի հեղինակ: Չորս թեկնածուների թվում են նաեւ Մադրիդի «Աթլետիկոյի» ֆրանսիացի հարձակվող Անտուան Գրիզմանը (գոլի հեղինակ է դարձել պորտուգալական «Սպորտինգի» դեմ խաղում, իսպանական թիմը հաղթել է 2:0 հաշվով): Գերմանիայի փոխչեմպիոն «ՌԲ Լայպցիգի» գերմանացի հարձակվող Տիմո Վերները (գրավել է «Մարսելի» դարպասը՝ 1:0) եւ Հռոմի «Լացիոյի» բոսնիացի կիսապաշտպան Սենադ Լուլիչը (գոլ է խփել «ՌԲ Զալցբուրգին»՝ 4:2):