Ֆուտբոլի Հայաստանի հավաքականի եւ Լոնդոնի «Արսենալի» կիսապաշտպան Հենրիխ Մխիթարյանը բաց կթողնի Անգլիայի առաջնության «Սաութհեմփթոնի» հետ առաջիկա հանդիպումը: Այդ մասին ասել է լոնդոնցիների գլխավոր մարզիչ Արսեն Վենգերը: «Մխիթարյանը ծնկի հետ խնդիր ունի: Դեռ չգիտենք վնասվածքի լրջությունը, սակայն նա բաց կթողնի կիրակի օրվա հանդիպումը», – այս գիշեր կայացած Եվրոպայի լիգայի քառորդ եզրափակիչ փուլի «Արսենալ» – ԲԿՄԱ խաղից հետո նշել է ֆրանսիացի մասնագետը: Հիշեցնենք, որ հանդիպման 58-րդ րոպեին մոսկվացիների պաշտպան Ալեքսանդր Շեննիկովը կոպիտ հնարքով կանգնեցրել է Հենրիխ Մխիթարյանի առաջխաղացումը, որի համար ստացել է դեղին քարտ: Երեք րոպե հետո մեր ֆուտբոլիստը ստիպված խնդրել է փոխարինում կատարել: https://www.youtube.com/watch?time_continue=300&v=bBfXInDYHSs