Եվրոպայի եռակի չեմպիոն, 2012թ. Օլիմպիական խաղերի բրոնզե մեդալակիր ռուսաստանցի բռնցքամարտիկ Միխայիլ Ալոյանը հայտարարել է, որ մտադիր է մասնակցել 2020 թվականի ամառային Օլիմպիական խաղերին: «Ես հանդես եմ գալիս պրոֆեսիոնալ ռինգում, սակայն ցանկանում եմ կրկին վերադառնալ սիրողական բռնցքամարտ և մասնակցել Օլիմպիական խաղերին: Տոկյո-2020-ին մասնակցելը շատ իրատեսական եմ համարում, քանի որ ես ունեմ իրավունք մասնակցելու Օլիմպիական խաղերին»,- Ալոյանի խոսքը փոխանցում է Sport Express-ը: Հիշեցնենք, որ 31-ամյա Ալոյանը Եվրոպայի չեմպիոն է դարձել 2010, 2011 և 2013 թվականներին: