#ՄերժիրՍերժին ակցիայի նախաձեռնողները, «Ասպարեզ» ակումբի խորհրդի նախագահ Լեւոն Բարսեղյանն ու մի խումբ քաղաքացիներ ակցիա են կազմակերպել Երեւանում, մետրոյի Երիտասարդական կայարանի մոտ: Վերջիններս Սերժ Սարգսյանի ծաղրանկարով պաստառ են պատրաստել եւ դրամահավաք են անում՝ Սերժ Սարգսյանին թոշակի ուղարկելու համար: Պաստառի վրա Սարգսյանի նկարն է՝ «Օգնիր Սերժին գնալ թոշակի» գրությամբ: Քաղաքացիները մեծ մասամբ տասը դրամանոցներ են նետում դրամների տարայի մեջ: Շատերն ասում են, որ Սերժ Սարգսյանն անգամ այդ տասանոցներին արժանի չէ: