Ապրիլի 4-ին՝ ժամը 6.30-ին, հիվանդանոցից ոստիկանության Շենգավիթի բաժնում հաղորդում է ստացվել, որ շտապօգնության խումբը «շմոլ գազի թունավորում» ախտորոշմամբ բուժօգնության է տեղափոխել 1959 թ. ծնված Շողիկ Ա.-ին, 1978 թ. ծնված Վլադիմիր Ա.-ին, 2007 թ. ծնված Դավիթ Ա.-ին, 2006 թ. ծնված Լևոն Ա.-ին, 2017 թ. ծնված Տիգրան Ա.-ին և 1981 թ. ծնված Վիկտորիա Գ.-ին: Այս մասին տեղեկանում ենք Ոստիկանության պաշտոնական կայքից: Մեկնած օպերատիվ խումբը պարզել է, որ նրանք թունավորվել են նույն օրը՝ ժամը 5.30-ին, բնակարանում ջեռուցման կաթսայի խողովակից արտանետած շմոլ գազի հետևանքով: Կատարվում է քննություն: