Անցած տարի Քննչական կոմիտեում քննվել է 131 քրեական գործ, որոնցից 84-ը եղել է երեխաների նկատմամբ կատարված։ Քննչական կոմիտեի ներկայացուցիչ Դավիթ Թումասյանի խոսքով՝ սեռական բռնության են ենթարկվում հիմնականում 14-17 տարեկանները։ Երեխաները հիմնականում սեռական բռնության են ենթարկվում գիտակից անձանց կողմից, և բռնարարին ավելի հեշտ է բռնության ենթարկել անչափահասներին, քանի որ նրանք ավելի թույլ  են։ Թումասյանի խոսքով՝ կան դեպքեր, երբ երեխաների նկատմամբ սեռական բռնություն են գործադրում անչափահաս տարիքում բռնության ենթարկվածները։