Վարչապետ Կարեն Կարապետյանն այսօր կառավարության նիստին հանրապետության գործադի մարմինների 2018 թվականի գործունեության վերաբերյալ հանձնարարական ներկայացրեց: Անդրադառնալով Կառավարության գործունության 2018 թվականի համար նախատեսված միջոցառումներին և գերակա խնդիրներին, որոնց կատրումը ակնկալվում էր 2018 թվականի առաջին եռամսյակում՝ նա նշեց. «Հանձնարարում եմ տանսհինգօրյա ժամկետում հանրապետոթյան գործադիր մամինների ղեկավարներին և մարզպետներին ամփոփել և կառավարության աշխատակազմ ներկայացնել 2018 թվականի առաջին եռամսյակում ըստ ոլորտների միջոցառումների, ծրագրերի գերակա խնդիրների և արդյունքների վերաբերյալ կատարողականները՝ նշելով նաև առաջիկայում նախատեսված հիմնական միջոցառումները և դրանց կատարման ուղղությամբ ձեռնարկած գործողությունները»,-ասաց նա: Մյուս հանձնարարականը վերաբերում էր տեղական էլեկտրոնային կառավարման միասնական թվային պլատֆորմ ստեղծելուն: «Տարածքային կառավարման և տեղական ինքնակառավարման արդյունավետության բարձրացման տեսանկյունից կարևոր է ներդնել տեղական էլեկտրոնային կառավարման միասնական թվային պլատֆորմ, որը պետք է համակցված լինի պետական էլեկտրոնային կառավարման համակարգերի հետ: Նշված պլատֆորմի ստեղծման գործում առաջնահերթ է գույքային հարկերի հաշվառման միասնական համակարգի ներդնումը, ինչի բացակայությունը խնդիրներ է առաջացնում անշարժ գույքի հարկի և փոխադրամիջոցների գույքահարկի հաշվարկման, վճարումների ձևերի, ինչպես նաև հավաքագրման տեսանկյունից»,-ասաց Կ. Կարապետյանը։ Հաշվի առնելով վերոնշյալը նա հանձնարարեց Ֆինանսների, Տարածքային կառավարման և զարգացման նախարարներին և «Թվային Հայաստան» հիմնադրամի գործադիր տնօրենին՝ 5-օրյա ժամկետում Կառավարությունում քննարկված տեղական էլեկտրոնային կառավարման միասնական պլատֆորմի ներդրմանն ուղղված գործողությունների ծրագրի և ժամանակացույցի նախագիծը, ինչպես նաև դրա կիրարկման վերաբերյալ իրավական ակտի նախագիծը ներկայացնել Կառավարության աշխատակազմ, «Թվային Հայաստան» հիմնադրամի գործադիր տնօրենին 3-ամսյա ժամկետում ձեռնարկել միջոցներ գույքային հարկերի հաշվարկման միասնական համակարգ ստեղծելու նախագծման, կազմակերպչական, ինչպես նաև այլ աշխատանքների ուղղությամբ՝ հաշվի առնելով առաջին կետով նախատեսված գործողությունների ծրագիրը։