Խառը մենամարտերի թեթև քաշային կարգի չեմպիոն, ռուսաստանցի Խաբիբ Նուրմագոմեդովի հայր Աբդուլմանապ Նուրմագոմեդովը խոսել է իր որդու առաջիկա մենամարտի մասին: «Խաբիբը մրցելու է հզոր մարզիկի հետ, և կարծում եմ, որ պետք է անի ամեն ինչ, որպեսզի Ֆերգյուսոնին հաղթի ամենաուշը երկրորդ ռաունդում: Մենք չենք մտածում Մաքգրեգորի հետ ռևանշի մասին, քանի որ Տոնի Ֆերգյուսոնն ավելի ուժեղ մարզիկ է, քան նա»,- Նուրմագոմեդով ավագի խոսքը մեջբերում է РИА Новости-ն: Նշենք, որ Խաբիբ Նուրմագոմեդովն իր հաջորդ մենամարտը կանցկացնի 2020 թվականի ապրիլի 18-ին: Ռուսաստանցի մարզիկի մրցակիցը կլինի ամերիկացի Տոնի Ֆերգյուսոնը: