Մադրիդի «Ռեալի» նախագահ Ֆլորենտինո Պերեսը Ամանորի և Սուրբծննդյան տոների կապակցությամբ շնորհավորական ուղերձ է հղել Արքայական ակումբի երկրպագուներին: ««Ռեալը» յուրահատուկ զգացողություն է, որը միավորում է աշխարհում միլիոնավոր երկրպագուների: Մեր ակումբի բոլոր երկրպագուներին ես մաղթում եմ ուրախ հանգստյան օրեր: Հուսով եմ՝ 2020 թվականը հաղթանակների տարի կլինի «Ռեալի» համար և մենք միասին ուրախանալու բազմաթիվ առիթներ կունենանք»,- Ֆլորենտինո Պերեսի խոսքը փոխանցում է Marca-ն: Հիշեցնենք, որ Լա Լիգայի մրցաշարային աղյուսակում «Ռեալը» երկրորդն է՝ 37 միավորով և առաջատար «Բարսելոնայից» հետ է մնում 2 միավորով: