Ռուսաստանի Դաշնության Խաբարովսկի երկրամասի Ամուրի Կոմսոմոլսկ քաղաքի մոտակայքում վթարի է ենթարկվել Т-50 (Су-57) կործանիչը: Այս մասին տեղեկացնում է РИА Новости գործակալությունը:
Ինչպես գործակալությանը տեղեկացրել է ուժային կառույցների ներկայացուցիչը, ինքնաթիռը ռազմական չի եղել և պատկանել է տեղի Գագարինի անվան արտադրող գործարանին:
Դեպքը տեղի է ունեցել Ձյոմգիի օդանավակայնից 120 կմ հեռավորության վրա՝ շարժիչի ստուգման ժամանակ: Օդաչուն ինքնանետվել է, նրան վերցրել է Ми-8 ուղղաթիռը: Դեռևս հայտնի չէ, թե ինչ վիճակում է գտնվում օդաչուն:
Մասնագետները փնտրում են «սև արկղերը»: Տեղի ունեցածի հիմնական վարկածներն անսարքությունն ու օդաչուի սխալն են:
