Այսօր տարածվեց տեղեկատվություն այն մասին, որ Բիզնես Արմենիայի աջակցությամբ Հայաստանում մեկնարկել է թեմատիկ hուշանվերների արտադրություն: Հայոց արքաների, թագուհիների և այլ պատմական թեմաներով հուշանվերները շուկա կհանվեն ապրիլի կեսերին։ Ծրագրի գաղափարը ՀՀ վարչապետ, Բիզնես Արմենիայի հոգաբարձուների խորհրդի նախագահ Կարեն Կարապետյանին է։ Բիզնես Արմենիայի գործադիր տնօրենն էլ Կարեն Կարապետյանի խորհրդականներից Արմեն Ավակ Ավակյանն է: Վերջինիս՝ Կառավարությունում հայտնվելը ունի իր բացատրությունը: Irakanum.am-ի ունեցած հավաստի տեղեկություններով Ավակյանը Կարեն Կարապետյանի որդու՝ Տիգրան Կարապետյանի մտերիմ ընկերն է, եւ նա է միջնորդել, որպեսզի վարչապետ հայրը նրան խորհրդական նշանակի: Հիմա էլ Կարեն Կարապետյանը խորհրդականի հետ նոր բիզնես ծրագիր է իրականացնում: Կարեն Կարապետյանը փաստորեն «գործի»  մարդ է: Նա հայարարում է, որ պայմաններ պետք է ստեղծել գործարարների համար, բայց հայտարությունը անելուց անմիջապես հետո օգտագործում է իր կապերը խորհրդականի հետ բիզնես սկելու համար: Հայաստանի տնտեսությունը զարգացնելու Կարապետյանական լուծմանը անշուշտ կնախանձեն անգամ Սիգապուրի իր գործընկերները: Իրականում Կարեն Կարապետյանի բինես գործընկեր – խորհրդականները շարունակում են շռայլորեն ծախսել ՀՀ պետական բյուջեի միջոցները: Արմեն Ավակ Ավակյանի գլխավորած Հայաստանի զարգացման հիմնադրամի ճոխ ծախսերի վերաբերյալ մամուլում բազմաթիվ հրապարակումներ կան: Պետական բյուջեի միջոցները անարդյունավետ ծախսում են նույն այն Կարեն Կարապետյանի խորհրդականները, որոնց ղեկավարը ոչ վաղ անցյալում հայտարարեց բյուջեի ծախսերը հնարավորինս կրճատելու, խնայողության ռեժիմի անցնելու մասին: Հիմա էլ Կարեն Կարապետյանը որոշել է որդու ընկերոջ հետ նոր թույն եւ փողաբեր բիզնես մշակել: Նրանք Տիգրան Մեծի, Փառանձեմ Թագուհու, Հայկ Նահապետի, Պարույր Սկայորդու, Անահիտ աստվածուհու պատկերներով հուշանվերներ. թեյի տեսականի, բաժակ, ափսե, կրծքանշան, մագնիս, էջանշան, բացիկ, նոթատետրեր, շոկոլադ, շապիկ, նորածինների ներքնազգեստ, արծաթե թևնոց, փայտե շրջանակով նկար, խճանկար կարտադրեն: Irakanum.am