Ֆրանսիայի չեմպիոն ՊՍԺ-ի և Բրազիլիայի ազգային հավաքականի հարձակվող Նեյմարի տրանսֆերային արժեքը ֆուտբոլիստի կարիերայում առաջին անգամ անկում է ապրել, տեղեկացնում է The Sun-ը: 2009 թվականից Նեյմարի տրանսֆերային արժեքը միայն բարձրացել է՝ 2018 թվականին հասնելով առավելագույն չափի՝ շուրջ 180 միլիոն եվրոյի: 2019 թվականի համար Transfermarkt գործակալությունը Նեյմարի տրանսֆերային արժեքը սահմանել է շուրջ 140 միլիոն եվրո: Հիշեցնենք, որ 2017 թվականի ամռանը ՊՍԺ-ն Նեյմարի տեղափոխության դիմաց «Բարսելոնային» վճարեց ռեկորդային 222 միլիոն եվրո: Ընթացիկ մրցաշրջանում 27-ամյա հարձակվողը ՊՍԺ-ի կազմում մասնակցել է 11 հանդիպման՝ դառնալով 8 գոլի և 3 գոլային փոխանցման հեղինակ: