Անգլիական «Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը մեկնաբանել է թիմի ֆրանսիացի կիսապաշտպան Պոլ Պոգբայի ապագայի շուրջ ստեղծված իրավիճակը:
«Պոգբան չի վաճառվում: Վստահ եմ, որ նա հունվարին չի հեռանա ակումբից: Հուսով եմ, որ առաջիկա ամիսների ընթացքում «Մանչեսթեր Յունայթեդի» ղեկավարությունը կկարողանա նոր պայմանագրի շուրջ համաձայնության գալ Պոգբայի հետ:
Այժմ Պոգբան ապաքինվում է վնասվածքից: Մենք չենք ցանկանում վտանգի ենթարկել նրա առողջությունը, սակայն կարծում եմ, որ արդեն այս տարի նա կկարողանա խաղադաշտ վերադառնալ»,- Սուլշերի խոսքը փոխանցում է BBC-ն:
Ավելի վաղ Պոլ Պոգբայի գործակալ Մինո Ռայոլան հայտարարել էր, որ ֆրանսիացի կիսապաշտպանը չի ցանկանում հեռանալ «Մանչեսթեր Յունայթեդից»:
00:00:00
