Եվրահանձնաժողովի նորընտիր ղեկավար Ուրսուլա ֆոն դեր Լյայենը արտահայտվել է Brexit-ի եւ ԵՄ-ի ու Մեծ Բրիտանիայի վրա դրա հետեւանքների մասին, հայտնում է BBC News-ը: Նա նախազգուշացրել է, որ Brexit-ի հարցով բանակցություններում կողմերը կարող են բախվել հերթական «ծայրահեղ իրավիճակին»: Ընդ որում՝ ֆոն դեր Լյայենը շեշտել է, որ Brexit-ից կտուժեն ինչպես ԵՄ-ն, այնպես էլ Միացյալ Թագավորությունը: «Դա (Brexit-ը) որոշակիորեն վնաս կհասցնի մեր շահերին, սակայն ավելի շատ կազդի Միացյալ Թագավորության վրա, քանի որ Եվրամիությունը կշարունակի շահույթ ստանալ իր միացյալ շուկայից, մաքսային միություններից եւ մեր գործընկերների հետ ստորագրած 7 հազար համաձայնագրերից»,- նշել է նա: