Ռուսաստանի Դաշնության նախագահի մամուլի քարտուղար Դմիտրի Պեսկովը պատմել է, որ Վլադիմիր Պուտինն ու իր ուկրաինացի գործընկեր Վլադիմիր Զելենսկին դեկտեմբերի 9-ին Փարիզում կայացած գագաթնաժողովի ժամանակ կարողացել են դեմ առ դեմ զրուցել ընդամենը 10-15 րոպե: Ինչպես նշում էgazeta.ru-ն՝ այնուհետև նրանց ընդհատել են: Պեսկովի խոսքով ՝ առանձնազրույցի ժամանակ ներս է մտել Ֆրանսիայի նախագահ Էմանուել Մակրոնն ու պնդել` հետագա շփումը շարունակել «նորմանդական  ձևաչափով»: Պեսկովը նաև հավելել է, որ Պուտինն ու Զելենսկին մի շարք հարցերում առայժմ հեռու են համաձայնությունից, սակայն լավ է, որ նրանց միջև երկխոսությունը սկսված է: Հիշեցնենք, որ «նորմանդական քառյակի» բանակցություններին մասնակցել են ՌԴ, Ուկրաինայի, Ֆրանսիայի և Գերամանիայի ղեկավարները: