Ուկրաինայում հետաքննվում է 15 քրեական գործ, որոնցում ներգրավված է նաև երկրի նախկին նախագահ Պյոտր Պորոշենկոն, հայտնում է gazeta.ru-ն՝ վկայակոչելով Հետաքննությունների պետբյուրոյի տնօրեն Ռոման Տրուբային: Վերջինս մանրամասնել է, որ քրեական գործերից յուրաքանչյուրը շատ բարդ է և որ դրանց հետաքննությամբ զբաղվում է յոթ քննիչ: Ավելի վաղ պետբյուրոն քրեական գործ էր հարուցել՝ Պորոշենկոյին կասկածելով պետական դավաճանության համար: Խոսքը Դոնբասի հակամարտության կարգավորման նպատակով նախկին նախագահի կողմից մինսկյան համաձայնագրերի ստորագրման մասին է: