Միացյալ Նահանգների նախագահ Դոնալդ Թրամփը, տեսնելով Լոնդոնում ՆԱՏՕ-ի գագաթաժողովի ժամանակ մի շարք պետությունների ղեկավարների կողմից իրենից բամբասելու տեսանյութը, այնքան է բարկացել, որ չեղարկել է նշանակված մամուլի ասուլիսը, գրում է The Guardian-ը: Բրիտանական պարբերականը մանրամասնում է, որ համացանցում տարածված տեսանյութում Մեծ Բրիտանիայի վարչապետ Բորիս Ջոնսոնը, Կանադայի վարչապետ Ջասթին Տրյուդոն, Ֆրանսիայի նախագահ Էմանուել Մակրոնը,  Նիդեռլանդների վարչապետ Մարկ Ռուտեն Բուկինգհեմյան պալատում կազմակերպված միջոցառման ժամանակ ծաղրում են Թրամփին չափից ավելի երկար ասուլիսներ տալու համար: Դա, մասնավորապես, ասում է Տրյուդոն: Համաշխարհային առաջնորդների զրույցը լսելի է դարձել մոտակայքում գտնվող բարձրախոսի շնորհիվ: Տեսանյութը տեսնելուց հետո Թրամփը Տրյուդոյին «երկերեսանի» է անվանել: https://www.youtube.com/watch?time_continue=1&v=-Ga3CrmYKto&feature=emb_logo