Այսօր մամլում տեղեկություններ տարածվեցին, թե Շիրակի մարզի Աշոցքի զինկոմիսարիատում ինքնաձիգներ և փամփուշտներ են անհետացել: Ըստ այդ տեղեկությունների՝ զինկոմիսարիատից անհետացել են երկու ինքնաձիգ և 48 փամփուշտ:
Տեղեկությունների վերաբերյալ «Փաստինֆո»-ի թղթակցի հարցին ի պատասխան՝ Քննչական կոմիտեից հայտնեցին, որ նման ահազանգ ստացվել է և փաստի առթիվ ՀՀ ՔԿ ԶՔԳՎ 10-րդ կայազորային քննչական բաժնում մարտի 28-ին հարուցվել է քրեական գործ՝ ՀՀ քրեական օրենսգրքի 238-րդ հոդվածի 1-ին մասով և ՀՀ քրեական օրենսգրքի 376-րդ հոդվածի 1-ին մասով:
Ըստ տեղեկությունների՝ զինկոմիսարիատի պաշտոնատար անձինք անփույթ վերաբերմունք են դրսևորել և պատշաճ հսկողություն չեն սահմանել, ասել է, թե զինկոմիսարիատի հերթապահների կողմից զինկոմիսարիատի հաշվեկշռում գտնվող հրազենները և այլ զինամթերքների հանձնումն ու ընդունումը պատշաճ չի կազմակերպվել:
00:00:00
