Հենրիկ Ղահրամանյանը ծնվել է 1996 թվականին, Ռուսաստանի Դաշնության Կրասնոյարսկ քաղաքում։ 2003 թ. օգոստոսին ընտանիքը տեղափոխվել է ՀՀ և բնակություն հաստատել Արարատի մարզի Մասիս քաղաքում։ 2003-2011 թթ. սովորել է Մասիսի №2 միջնակարգ դպրոցում։ 2011-2014 թթ. սովորել է Մասիսի պետական գյուղատնտեսական քոլեջի ապրանքագիտություն բաժնում։ 2015 թ. հունվարի 25-ին զորակոչվել է Պաշտպանության բանակ։ Ծառայել է ՊՆ N զորամասում, ապա ՊԲ N զորամասում՝ որպես հակատանկային ջոկի հրամանատար։

2016թ.-ի ապրիլի 2-ին ծավալված մարտական գործողությունների ժամանակ հակառակորդի մեծաքանակ վարձկան դիվերսանտների դեմ մարտնչել է մինչև վերջին փամփուշտը, ոչնչացրել է հակառակորդի բազմաթիվ գրոհայինների:  Զոհվել է հրամանատարական դիտակետերից մեկի տարածքը պաշտպանելիս:

Մերօրյա հերոսը հետմահու պարգևատրվել է Հայաստանի Հանրապետության «Արիություն» և Արցախի Հանրապետության «Մարտական ծառայություն» մեդալներով:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -12-: