Սննդամթերքի անվտանգության տեսչական մարմնի ղեկավար Գեորգի Ավետիսյանը գրել է․ «Սիրելի ընկերներ: Էս վերջերս մեզ՝ Սննդամթերքի անվտանգության տեսչական մարմին հաճախ են ուղարկվում թարմ մսի փողոցային ԱՆԹՈՒՅԼԱՏՐԵԼԻ վաճառքը փաստող լուսանկարներ: Թեև նման իրացումը կանխելու կամ արգելելու իրավական հիմք ՍԱՏՄ-ն չունի, սակայն պատրաստ ենք աջակցել տեղական ինքնակառավարման և իրավապահ մարմիններին խնդիրը լուծելու հարցում: Հորդորում եմ նախ ՈՉ ՄԻ ԴԵՊՔՈՒՄ չգնել միս փողոցից, մեքենաների բեռնախցիկներից, սանիտարական վատ պայմաններից միս, որը չունի դրա անվտանգությունը փաստող անասնաբուժական ուղեկցող փաստաթուղթ, և ապա՝ նման դեպքերի մասին անմիջապես տեղեկացնել տեղի ՏԻՄ և իրավապահ կառույցներին կամ զանգահարել ՍԱՏՄ թեժ գծին 010 206040 համարով: Հրաշալի կլինի, եթե նկարեք և լուսանկարներն ուղարկեք [email protected] էլեկտրոնային հասցեին՝ նշելով մսի անօրինական վաճառքի տեղը, հասցեն: Ուղարկեք նաև ՍԱՏՄ  facebook-ի պաշտոնական էջին ՝ https://www.facebook.com/snund.am/: Միայն ձեր աջակցությամբ և օգնությամբ հնարավոր կլինի արմատախիլ անել այս արատավոր երևույթը մեր երկրից: Արդեն 2020-ի հունվարի 15-ից մսի սպանդանոցային ծագման մասին հավաստող ձև 5 անասնաբուժական ուղեկցող փաստաթուղթ չունեցող մսի վաճառքը արգելելու ենք»: