Երևանի ընդհանուր իրավասության դատարանի Շենգավիթի նստավայրում այսօր ընթանում է ՊՎԾ լիազորությունները ժամանակավորապես կասեցված պետ Դավիթ Սանասարյանի գործով դատական նիստը։ Նիստը նախագահում է դատավոր Դավիթ Բալայանը։
Լրագրողների հետ զրույցում Դավիթ Սանասարյանը, հարցին, որ դատարանը խորհրդակցական սենյակում է, ի՞նչ ակնկալիքներ ունի, պատասխանեց.«Անկախ նրանից դատարանը կբավարարի, թե՝ ոչ, մենք պետք է որոշենք բողոքարկում ենք, թե՝ ոչ հայցը, եթե դատարանն այն չբավարարի: Բայց մենք մեր պրոցեսի մեջ ենք: Մենք սահմանադրական խնդիր ենք ցույց տալիս»: Խոսելով իրենց այն պահանջի մասին, որ գործը պետք է կասեցվի, ասաց.«Մենք ասում ենք կասեցնի նոր այդ հարցը քննարկվի, այն փաստաբանն ասում է, որ առանց կասեցնելու ՍԴ-ն գործը քննարկի, եթե օրենքը թույլ է տալիս մեզ համար ավելի լավ, մենք խնդիր չենք տեսնում»:
Խոսելով՝ ԱԱԾ նախկին պետ Արթուր Վանեցյանի՝ որ սկսեմ խոսել հայտարարության մասին, և լրագրողի այն դիտարկամը, որ ինքն էլ էև ժամանակին ասել՝ բա որ ես խոսեմ, Սանասարյանը նշեց.«Չեմ կարծում, որ ես պետք է մտնեմ այս մակարդակի մեջ՝ սուտ է ասում կամ ճիշտ է ասում: Ինքն իր տեսակետը ներկայացրեց, ես իմ փաստերն ունեմ: Ինքն այն կատեգորիան չունի, որ ես իր հետ բանավիճեմ: Ես իրեն զգուշացրել եմ, որ մի խառնվիր, սխալ մի արա»: Նկատառմանը, որ այս գործում շահագրգիռ կողմ է նաև Արսեն Թորոսյանը, Սանասարյանը նշեց.«Ես ինչ-որ պետք է ասել եմ: Ես համոզմունք ունեմ, ինֆորմացիա ունեմ, որը ներկայացրել եմ: Էս կողմ, էն կողմ չկա, ժամանակը կգա, կխոսեմ: Պրոցեսի մեջ ենք հիմա, եթե զգամ, որ չխոսելն այլընտրանք չէ, այդ պահին ես կխոսեմ, այս պահին խոսելու կարիք չկա»:
