Ճապոնիայում առգրավվել է կոկաինի ռեկորդային խմբաքանակ՝ 400 կիլոգրամ, 73 մլն դոլար արժողությամբ, Կոբե քաղաքի նավահանգստում, տեղեկացնում է AFP-ն։ Պաշտոնյաները հայտարարել են, որ չեն կարող լրացուցիչ մանրամասներ ներկայացնել, որովհետեւ հետաքննությունը շարունակվում է։ Խմբաքանակը գերազանցել է նախորդ ռեկորդը, որը սահմանվել էր օգոստոսին, երբ իշխանություններն առգրավել էին 177 կիլոգրամ կոկաին Աիթի պրեֆեկտուրայի մեկ այլ նավահանգստում։ Թմրանյութերի վաճառքը Ճապոնիայում կազմակերպված հանցավորության հմնական հենարանն է, ներառյալ տխրահռչակ յակուձուն։