Nexta թելեգրամյան ալիքը հաղորդագրություն է տարածել այն մասին, որ Բելառուսի նախագահ Ալեքսանդր Լուկաշենկոն բուժում է անցնում Արաբական Միացյալ Էմիրություններում: Այս մասին գրում է mk.ru կայքը:
Աղբյուրը պնդում է, որ Լուկաշենկոն ծանր հիվանդություն ունի և ներկայում բուժում է անցնում Աբու Դաբիի էլիտար կլինիկաներից մեկում:
«Լուկաշենկոն կլինիկայի VIP թևում է պառկած արդեն 4 օր»,- ասված է տարածված հաղորդագրության մեջ:
Բելառուսի իշխանություններն այս լուրերը չեն մեկնաբանել:
Հայտնի է, որ նոյեմբերի սկզբին Ալեքսանդր Լուկաշենկոն պաշտոնական այցով մեկնել է ԱՄԷ: Այցի պատճառով նա չի կարողացել մասնակցել Ալլա Պուգաչովայի՝ Մինսկում տեղի ունեցած համերգին, որի ժամանակ Լուկաշենկոն մտադիր էր երգչուհուն պարգևատրել «Ժողովուրդների բարեկամություն» շքանշանով:
