Ազգային ժողովի արտաքին հարաբերությունների մշտական հանձնաժողովի նախագահի տեղակալ Դավիթ Մելքումյանը Արցախի Հանրապետության արտաքին գործերի նախարար Մասիս Մայիլյանի գլխավորած պատվիրակության կազմում  այս օրերին գտնվում է Ամերիկայի Միացյալ Նահանգների մայրաքաղաք Վաշինգտոնում։ Այցի ծրագրով նախատեսվում են միջոցառումներ ԱՄՆ Կոնգրեսում, հանդիպումներ Ներկայացուցիչների պալատի անդամների և հայկական կազմակերպությունների պատասխանատուների հետ: Արցախի Հանրապետության ԱԺ լրատվության և հանրության հետ կապերի բաժին