Քիչ առաջ Ազատության հրապարակում մեկնարկեց «Հանուն Հայաստան պետության» ճակատի հանրահավաքը: Թամար Հովհաննիսյանն արձանագրեց, որ քչերն են ներկա, սակայն դիմելով բացակներին՝ նկատեց՝ երևի թե նրանց ձեռք է տալիս այս անելանելի թվացող վիճակը:
Առաջին ելույթի իրավունքը տրվեց Գրիշա Վիրաբյանին, ով հայտարարեց, թե ներկա են այն մարդիկ ովքեր չեն հավատում ապահով Հայաստանին: «Հիասթափությունն այն աստիճանի է հասել, որ մարդիկ իրար էլ չեն հավատում: Ինձ համար այսօր կարևոր էր մի մարդու ներկայությունը՝ Իգիթյանի:
Իգիթյանն ու իր նմանները, ուզում էի, որ գային ու ցույց տան, թե ինչեր ունեին արած այս հանրապետության համար»,-ասաց նա՝ հիշեցնելով Երևանի ավագանու անդամ Լևոն Իգիթյանի հայտարարությունը, թե ինքն այնքան բան է արել այս երկրի համար, որ եթե ասի, Զարուհի Փոստանջյանը, ում նա արձագանքում էր նիստի ժամանակ, մեջքը կծռվի:
Նա նշեց, որ ինքը վիրավորված է բոլոր այն մարդկանցից, ովքեր ուզում են Սերժ Սարգսյանին վարչապետ ընտրել, ովքեր խորհուրդ են տալիս ժողովրդին կարտոֆիլ ուտել:
Նա նաև կոչ արեց դեսպաններին սթափության կոչ անել հայաստանյան իշխանություններին:
00:00:00
