Քիչ առաջ Արթուր Վանեցյանն անդրադարձավ իր հրաժարականին: Լրագրողներից մեկը մեջբերեց Վանեցյանի հրապարակումից մի հատված, այն է. «Պետականաշինությունն իր տրամաբանությունն ունի` որոշումների տարերայնությունը, գործողությունների հախուռնությունը, առաջնայինը երկրորդականից, իսկ անցողիկը մնայունից չտարբերելու գործելաոճն այն ճանապարհը չէ, որը տանում է դեպի նպատակների իրականացում։ Այն ընդհանուր ոչինչ չունի սպայի արժանապատվության հետ. սպայի ուսադիրն ու զարգացումների նման ընթացքն անհամատեղելի են։ Իմ հրաժարականը թող լինի «Կանգ ա՛ռ»-ի սթափեցնող քայլ, մնացած բոլոր տարբերակներում կհաղթանակի հայրենիքի հանդեպ պարտքը»:
Լրագրողը խնդրեց մեկնաբանել Վանեցյանի գրառման այս հատվածը:
Վարչապետը նշեց՝ Վանեցյանն արդեն պետական պաշտոնյա չէ ու կարող է հանգիստ անել իր ցանկացած հայտարարությունը:
Հարցին՝ սա քննադարություն կարելի է համարել Փաշինյանի հասցեին, վարչապետը պատասխանեց՝ դեռևս անձամբ չի կարդացել Վանցյանի գրառումը:
«Եթե հարկ լինի մեկնաբանել դա, ապա ես կմեկնաբանեմ», - ասաց Փաշինյանը:
Նա ասաց՝ ԱԱԾ տնօրենի թեկնածուներ կան արդեն իսկ:
«Կան թեկնածուներ: Կքննարկեմ, այդ որոշումը կկայացնեմ», - ասաց Փաշինյանը:
00:00:00
