Սեպտեմբերի 29-ին Փարաքարում համայնքապետի հերթական ընտրություններ են: Սեպտեմբերի 11-ից մեկնարկել է քարոզարշավը, որը, սակայն, ընթանում է անառողջ մթնոլորտում:
Orer.am-ի զրուցակիցները փոխանցեցին, որ ուղղորդված ակտիվություն են դրսևորում նախկին ՀՀԿ-ականներն ու քրեական անցյալ ունեցող անձինք:
Ըստ փարաքարցիների ԱԺ նախկին պատգամավոր Առաքել Մովսիսյանը՝ նույն ինքը Շմայսը, իր թեկնածուն ունի՝ քրեական մի քանի աղմկահարույց դեպքերով անցած և դատապարտված Դավիթ Մինասյանը, ում քարոզարշավով ներկայում զբաղված են Շմայիսի նախկին ընտրակեղծարարները:
Փարաքարցիների խոսքով իր ակտիվությամբ ամենաշատն աչքի է ընկնում Շմայիսի «տասովչիկներից» Փարաքար-Թաիրով գյուղի բնակիչ Անդրանիկ Բախտավորյանը, որը հայտնի է «Ղարիբի Անդո» մականունով, որը ճնշումներ է գործադրում քաղաքացիների վրա և նրանց ուղղորդում քվեարկել Դավիթ Մինասյանի օգտին:
Հիշեցնենք նաև, որ Անդրանիկ Բախտավորյանը 2017 թվականի խորհրդարանական ընտրություններին ժամանակ էր հայտվել մամուլի ուշադրության կենտրոնում, երբ Թաիրով համայնքի դպրոցում մասնակցում էր Առաքել Մովսիսյանի քարոզարշավին:
