Կառավարությունն այսօրվա նիստի ընթացքում  ընդունեց որոշում,  ըստ որի՝   արտաքին գործերի նախարարությունը ստանձնում է արտաքին հարաբերություններն ամբողջությամբ համակարգելու և սպասարկելու գործառույթները։ Վարչապետ Նիկոլ Փաշինյանը բացատրեց, որ երբեմն հնարավոր չի լինում պարզել՝ այս կամ այն ուղղությամբ նախկին և նույնիսկ ներկա իշխանության պաշտոնյաները ինչ պայմանավորվածություններ են ունեցել։ Իսկ նախագծի ընդունումով ԱԳՆ-ում կուտակվելու են բոլոր նմանատիպ պայմանավորվածությունները, և ամեն նոր պաշտոնյա կկարողանա հասկանալ, թե նախկինում ինչ որոշումներ են եղել այն ոլորտներում, որոնց վերաբերյալ պաշտոնյան բանակցություններ է վարելու։