2019  թվականի  ընթացքում արդեն մոտ 70 կիլոմետր ճանապարհ է նորոգվել, և ավելի քան 300 կմ ճանապարհ այս պահին նորոգման փուլում է։ Այս մասին կառավարության նիստում հայտարարեց տարածքային կառավարման և ենթակառուցվածքների նախարար Սուրեն Պապիկյանը։ Նա բացատրեց, որ թեև մինչև հիմա նախատեսված էր 330 կմ ճանապարհի նորոգում, բայց այդ նիշը գերակատարվելու է։ Վարչապետի հարցին ճանապարհների որակի մասին Պապիկյանը պատասխանեց, որ եթե որակը լավը չլինի, ապա չեն վճարի շինարարներին։ Փոխվարչապետ Տիգրան Ավինյանն իր հերթին հայտնեց, որ մինչև 2023 թվական նախատեսում են 2500 կմ ճանապարհ նորոգել։