Ռուսաստանում հայկական վարորդական իրավունք ունեցող վարորդներին թույլ չեն տալիս իրենց մեքենաներով աշխատել, պատճառաբանում են Հայաստանում ռուսերենի կարգավիճակի խնդրով։ Իսկ ԵԱՏՄ մյուս պետություններում ռուսերենը երկրորդ լեզվի կարգավիճակ ունի, և այդ պետությունները խնդիր չունեն։ Այս մասին այսօր Ազգային ժողովում հիշեցրեց «Իմ քայլի» պատգամավոր Հովհաննես Իգիթյանը։ «Ես համոզված եմ, որ այդ թյուրիմացությունը, որ կապված է Հայաստանում ռուսերեն լեզվի այս կամ այն կարգավիճակի հետ, շուտով կվերացվի …», – ասաց Հովհաննես Իգիթյանը։ «Անկեղծ ասած՝ մի քիչ զարմանում եմ մեր քննարկումներից, որովհետև, ասենք, ՀՀ ինքնիշխանությունը հավերժ է, և ՀՀ լեզուն հայերենն է»,- արձագանքեց ԱԺ նիստը նախագահող Ալեն Սիմոնյանը։