ԱԺ «Իմ քայլը» խմբակցության նախկին անդամ Էդգար Առաքելյանն այսօր լրագրողների հետ զրույցում խոսեց մանդատը վայր դնելու պատճառների  մասին: «Ես ունեմ համոզմունք՝ քաղաքականությամբ զբաղվող անձը պետք է տիրապետի որոշակի հատկությունների, որ ես չունեմ, և չունենալով հանդերձ՝ չեմ էլ պատրաստվում դրանք իմ մեջ զարգացնել և փոխել»,- ասաց Առաքելյանը։ Նա նշեց՝  խոսքն  այն որակների մասին է, որ հնարավորություն են տալիս առանց ծանր ապրումներ ունենալու այս կամ այն հարցի վերաբերյալ պատասխանատվություն կրել: Լրագրողների   հարցին՝ արդյո՞ք դա հաշվի չէր առնում մանդատը ստանձնելիս, նա պատասխանեց. «Մինչև մանդատը ստանձնելը չես կարող իմանալ՝ ինչ հարցեր կարող են լինել»: