Սեպտեմբերի 6-ին ոստիկանության Արարատի բաժնում օպերատիվ տվյալներ են ստացվել, որ Այգավան գյուղի 38-ամյա բնակիչը զբաղվում է թմրամոլությամբ եւ տան բակում ապօրինի աճեցնում եւ մշակում է կանեփի բույսեր: Նյութերի նախապատրաստման ընթացքում զննվել է տղամարդու տնամերձ հողամասը, որտեղ հայտնաբերվել է կանեփի 1 հատ մշակված եւ 17՝ վայրաճ բույս: Տանտերը հայտնել է, որ հայտնաբերվածը թմրանյութ է եւ աճեցրել է անձնական օգտագործման համար: Հայտնաբերվածը փաթեթավորվել եւ կնիքվել է փորձաքննության ուղարկելու համար: Քննությունը շարունակվում է: