Հայաստանի ազգային հավաքականն անցկացրեց ԵՎՐՈ-2020-ի ընտրական փուլի 5-րդ տուրի իր հանդիպումը: Արմեն Գյուլբուդաղյանցի գլխավորած ընտրանին Երևանում ընդունեց Իտալիայի ազգային հավաքականին: Լարված պայքարում անցած խաղն ավարտվեց Իտալիայի հաղթանակով՝ 3-1: Առաջին խաղակեսում թիմերը փոխանակվեցին մեկական գոլով: Հանդիպման 11-րդ րոպեին Տիգրան Բարսեղյանի փոխանցումից հետո գոլի հեղինակ դարձավ Ալեքսանդր Կարապետյանը: