Վրացական «Ռուսթավի 2» հեռուստաալիքի կառավարող մարմինը «P.S.» հեղինակային ծրագրի հեռուստահաղորդավար Գեորգի Գաբունիայի լիազորությունները 2 ամսով դադարեցնելու որոշում է կայացրել:
Այս մասին հայտնում է apsny.ge վրացական կայքը՝ հեռուստաալիքի տնօրեն Նիկա Գվարամիայի հայտարարությանը հղում կատարելով:
Հայտարարության մեջ նշվում է, որ Գաբունիայի պահվածքն անտեղի ու անպարկեշտ է եղել: Ասվում է, որ այդ խոսքերը մեծ վնաս են հասցրել այն նույն պայքարին, որին պետք է նպաստեին հաղորդավարի հնչեցրած հայտարարությունը: Բացի այդ, համաձայն հայտարարության, Գաբունիայի կողմից ՌԴ նախագահ Վլադիմիր Պուտինի հասցեին նմանօրինակ հայհոյանքներ հնչեցնելը մասնագիտական մեծ սխալ է ու անպարկեշտություն՝ երկրում տեղի ունեցող զարգացումներին բացարձակ չհամապատասխանող:
Հեռուստաալիքի կառավարող մարմնի որոշմամբ՝ Գաբունիան 2 ամսով կզրկվի լրագրողական լիազորություններից: Սահմանափակումը մասնավորապես կվերաբերի նրա վարած «P.S.» և «Արչևանի» հաղորդումներին:
00:00:00
