Հունիսի 29-ին Իսպանիայի մայրաքաղաք Մադրիդում հազարավոր ցուցարարներ փողոց են դուրս եկել: Ինչպես հաղորդում է BBC-ն, նրանք բողոքել են նորընտիր քաղաքապետի՝ օդն աղտոտող մեքենաների նկատմամբ սահմանված օրենքների կիրառումը ժամանակավորապես կասեցնելու որոշման դեմ: Քաղաքապետարանը ժամանակավորապես չեղարկել է քաղաքի կենտրոնում բենզինով և դիզելային վառելիքով աշխատող մեքենաների նկատմամբ անցած տարվա նոյեմբերին սահմանված սահմանափակումները՝ օրենքները խախտած վարորդների տուգանքները ներելով, ինչը բազմաթիվ հակասություններ է առաջացրել բնակիչների շրջանում: