Ի հայտ է երեկ երեք հանգամանք, որոնք վկայում են Մերձավոր Արևելքում ԱՄՆ-ի նախագահ Դոնալդ Թրամփի վարչակազմի քաղաքականության փոփոխության մասին, հաղորդում է Gazeta –ն՝ հղում կատարելով The National Interest-ին: Ենթադրությունը, որ Թրամփի վարչակազմը կարող է ներքաշել ԱՄՆ-ին տարածաշրջանում նոր պատերազմի մեջ, ներկայումս անհեռանկարային է: Թրամփը որոշել է «արգելակել»: Իրանի նկատմամբ ԱՄՆ-ի մոտեցումը գրեթե հանգեցրել էր նոր ռազմական բախման Պարսից ծոցում, սակայն այժմ Վաշինգտոնի մոտ կասկածներ են առաջացել: Առաջին հանգամանքը կապված է ԱՄՆ-ի նախագահի և ազգային անվտանգության հարցերով իր խորհրդական Ջոն Բոլթոնի միջև տարաձայնությունների հետ: Հենց նա է Եվրասիայում «պատերազմի գլխավոր հրահրողը»: Իրավիճակին ծանոթ երեք աղբյուրների խոսքով՝ Բոլթոնը կարող է լավագույն դեպքում հայտնվել պահեստայինների շարքերում, իսկ վատագույն դեպքում՝ դասվել աութսայդերների թվին: