Ուկրաինայի նախագահ Վլադիմիր Զելենսկին Գերագույն ռադա է ներկայացրել պաշտոնատար անձանց ապօրինի հարստացման համար պատժի մասին օրինագիծը: Այդ մասին, ինչպես հայտնում է segodnya.ua-ն, հայտնել է Ուկրաինայի ղեկավարի աշխատակազմը: Փաստաթուղթը, որի տեքստը դեռ չի հրապարակվել, ենթադրում է ապօրինի ձեռքբերված ակտիվների առգրավում: Բացի այդ, օրինագիծը վերականգնում է նման ճանապարհով հարստացման համար քրեական պատասխանատվությունը: Փետրվարին՝ մինչ երկրում նախագահական ընտրությունների անցկացումը, երկրի սահմանադրական դատարանը չեղարկել էր Քրեական օրենսգրքի ապօրինի հարստացման մասին հոդվածը: Ուկրաինայի ՍԴ քայլը քննադատել էին անգամ միջազգային իրավապաշտպան կազմակերպությունները