Այսօր Հաղթանակի զբոսայգում էր նաև Երևանի քաղաքապետ Հայկ Մարությանը։ Նա լրագրողների հետ զրույցում նախ շնորհավորեց հայ ժողովրդին Եռատոնի առթիվ, ապա շեշտեց` այսօր կարևոր օր է։ «Սա մեր ժողովրդի պատմությունն է:
Հայ ժողովուրդը մեծ ներդրում ունեցավ Հայրենական մեծ պատերազմում: Շատ հպարտ եմ, որ հայ ազգի ներկայացուցիչն եմ, որն այսքան հաղթանակներ է ունեցել: Արցախյան պատերազմում հաղթանակը ևս մեկ անգամ ապացույցն է նրա, որ հայ ազգն անպարտելի է»,- ասաց Երևանի քաղաքապետը: Լրագրողներն, իհարկե, նաև քաղաքական հարցեր ուղղեցի Երևանի քաղաքապետին, այդ թվում` աշխատավարձերի բարձրացմանը վերաբերող նախագծին:
Մարությանը, սակայն, խոստացավ դրանց պատասխանել առաջիկայում: «Շուտով մեզ մոտ մեծ բրիֆինգ է լինելու, ես բոլոր հարցերին կպատասխանեմ: Ամեն ինչ իր ժամանակը ունի»։ Լրագրողների համառ պնդումներից հետո Մարությանը նշեց` իր պաշտոնավարմա ընթացքում արդեն իսկ շատ գործեր են արվել, ապա անդրադարձավ աղբահանության խնդրին: «Աղբահանության հարցը լուծման ընթացքում է»,- վստահեցրեց Հայկ Մարությանը:
00:00:00
