Գեղարքունիքի մարզում՝ Սևան-Մարտունի-Գետափ ավտոճանապարհի 9-րդ կմ հատվածում, այսօր՝ ապրիլի 26–ին, Ժամը 13:30-ի սահմաններում բախվել են Գեղարքունիքի մարզի Լիճք գյուղի բնակիչ, 25-ամյա Արամ Հ.–ի վարած Hyundai մակնիշի 77 ԼA 711 համարանիշի, Ռուսաստանի Դաշնության քաղաքացի, Անդրեյ Օ.–ի վարած ВАЗ 2121 մակնիշի 08 MA 068 համարանիշի, Երևանի բնակիչ, 45-ամյա Միքայել Ս.–ի վարած Opel Zafira մակնիշի 34 RD 814 համարանիշի և Վարդենիս քաղաքի բնակիչ, 39-ամյա Էմիլ Հ.–ի վարած Opel Astra մակնիշի 36 OV 311 համարանիշի ավտոմեքենաները: Հայտնում է Shamshyan.com-ը։ Վթարի հետևանքով Opel Astra–ի ուղևոր, Գեղարքունիքի մարզի Կարճաղբյուր գյուղի բնակիչ, 69-ամյա Ժորա Գ.–ն մարմնական վնասվածքներով տեղափոխվել է Սևանի բժշկական կենտրոն: Վիրավորներին առաջինը օգնության են հասել քաղաքացիները և ճանապարհային ոստիկանության ծառայողները։ Ըստ նախնական տեղեկությունների՝ վթարի պատճառը եղել են մայրուղի մտած խոշոր եղջերավոր անասունները։