ՀՀ ՊՆ վարչական համալիրում տեղի է ունեցել երկօրյա աշխատաժողով` նվիրված տեղեկատվական անվտանգության սպառնալիքներին և ընթացիկ խնդիրներին: Աշխատաժողովին մասնակցում էին ներկայացուցիչներ ՀՀ պաշտպանության նախարարությունից, ՀՀ արտակարգ իրավիճակների նախարարությունից, ՀՀ ԿԱ պետական վերահսկողական ծառայությունից և ոստիկանությունից։ «Մայքրոսոֆթ» ընկերության Կենտրոնական և Արևելյան Եվրոպայի կիբերանվտանգության փորձագետ Յոադ Դվիրը մասնակիցներին ներկայացրել է կիբերանվտանգության ոլորոտում ընկերության ընթացիկ գործունեությունը, ձեռքբերումները: Փորձագետը նշել է, որ ընկերությունը պատրաստակամ է աջակցել ՀՀ Պաշտպանության նախարարությանը` ենթակառուցվածների արդիականացման և ծրագրային ապահոմվան գործընթացում: