ԶԼՄ-ների ազատության հարցերով ԵԱՀԿ ներկայացուցիչ Արլեմ Դեզիրը Ադրբեջանի իշխանություններին կոչ է արել բարենպաստ պայմաններ ստեղծել ԶԼՄ-ների գործունեության համար։ Ինչպես հայտնում է contact.az-ը, մեկնաբանելով 20 տպագիր լրատվամիջոցների ֆինանսավորումից զրկելու որոշումը, Դեզիրը կարեւոր է համարել «ԶԼՄ-ներին սատարումը, երբ նրանք թվայնացման հետ կապված փոփոխությունների են ենթարկվում»։ «Այդ ամենը ԶԼՄ-ներին սատարելու թափանցիկ ու արդար տնտեսական համակարգ եւ մամուլի բազմակարծությունն ու անկախությունը ապահովող իրավական միջավայր է պահանջում։ Վերջում Դեզիրը մոտ ապագայում Ադրբեջան այցելելու մեծ ցանկություն է հայտնել՝ երկրի ղեկավարության, լրագրողների եւ ՀԿ-ների ներկայացուցիչների հետ հանդիպելու համար։