Facebook Messenger-ում վերջապես հաղորդագրությունն ուղարկելու չեղարկման կոճակ է հայտնվել, որը խոստացվել էր գրեթե մեկ տարի առաջ, հաղորդում է Mashable-ը: Այս գործառույթը հայտնվել է Messenger հավելվածի վերջին տարբերակում iOS-ի և Android-ի համար, հայտարարել է Facebook-ը: Ուղարկված հաղորդագրությունը ջնջելու համար բավական է սեղմել դրա վրա նամակագրության մեջ և ընտրել «ջնջել» կոճակը: Հավելվածը կհարցնի. «ցանկանու՞մ եք ջնջել հաղորդագրությունը բոլորի կամ միայն ձեզ համար՝ պահպանելով այն զրուցակցի նամակագրության մեջ»: Այնուամենայնիվ, մի նրբություն կա. հաղորդագրությունը հնարավոր է ջնջել ուղարկելուց հետո առաջիկա 10 րոպեների ընթացքում: