Փողոցը պատահած տեղով անցնող հետիոտները Երեւանի ցավոտ հարցերից են: Սակայն, երբեմն մեղավոր են ոչ միայն հետիոտները, այլեւ հանգամանքները, որոնք նրանց դրդում են այդ խախտմանը:
3-րդ մասում շուկայի մոտ գտնվող Գարեգին Նժդեհի փողոցի գետնանցումը դրա վառ օրինակն է: Մի քանի տարի առաջ գետնանցումը վերանորոգվել էր: Թվում էր կեղտոտված պատերի սարսափելի պատկերները եւ տարածված գարշահոտությունը մնացին անցյալում: Սակայն, ինչպես ասում են, քաղաքացիները ժամանակից շուտ ուրախացան:
Աստիճանաբար, անցյալի պատկերը՝ կեղտը, գարշահոտությունը, թափոնները վերադարձան:
Թե ինչ դաստիրակություն ունեցող երկոտանիներն են իրենց այսպես պահում եւ ինչպես նրանց պատժել, առանձին հարց է: Պարզ է մեկ բան՝ այդպիսի գետնանցում մտնելը լուրջ փորձություն է նյարդային համակարգի համար: