ՌԴ ՍԳՆ մամուլի խոսնակ Մարիա Զախարովան արձագանքել է ԱՄՆ պետքարտուղար Մայք Պոմպեոյի՝ ԶԼՄ-ներում տարածված այն հայտարարությանը, որ Էլիոտ Աբրամսը նշանակվել է «Վենեսուելայում ժողովրդավարության վերականգման ԱՄՆ ջանքերի» ծրագրի պատասխանատու:
«Սա Վաշինգտոնի փորձն է քաղաքական այս իրադրության մեջ ուղիղ կառավարում մտցնել Վենեսուելայում, որը ամերիկյան էսթաբլիշմենթը դիտարկում է որպես տարածաշրջանում իր ապագա վասալ: Իրաքում «վերականգնել են» ժողովրդավարությունը, Լիբիայում նույնպես, Սիրիայում չեն կարողացել , ավելի ճիշտ կլինի ասել` նրանց թույլ չեն տվել, իսկ հիմա հերթը Վենեսուելայինն է»,- ասել է Զախարովան:
