ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նորանշանակ նախագահ Մխիթար Հայրապետյանը գրառում է կատարել ֆեյսբուքյան իր էջում՝ անդրադառնալով իր ընտրությանը։ «7-րդ գումարման Ազգային ժողովի պատգամավորներն ընտրեցին ԱԺ 11 մշտական հանձնաժողովների նախագահներին: Մեծ պատասխանատվությամբ ստանձնում եմ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի լիազորությունները։ Քվեարկությանը մասնակցել է 129 պատգամավոր, անվավեր՝ 2 քվեաթերթիկ, կողմ՝ 116, դեմ՝ 11 պատգամավոր»,- գրել է նա։