Հունվարի 14-ին տեղի կունենա 7-րդ գումարման ԱԺ-ի անդրանիկ նկստը։ Արտահերթ ընտրությունների արդյունքներով խորհրդարան են անցել երեք քաղաքական ուժ, Նիկոլ Փաշինյանի ղեկավարած «Իմ քայլը» դաշինքը, որը ԱԺ-ում բացարձակ մեծամասնություն է կազմել, ԲՀԿ-ն, որն ունի 26 մանդատ, եւ «Լուսավոր Հայաստան» կուսակցությունը, որը խորհրդարանում ներկայացված կլինի 18 պատգամավորով։ Մինչ ԱԺ անդրանիկ նիստը տեղի է ունենալու նորընտիր պատգամավորների մանդատների հանձման արարողությունը։ Irakanum.am-ին հայտնի դարձավ, որ օրենսդիրները մանդատները կստանան հունվարի 10-ին, ժամը ժամը 13:00-ին։ Մանդատների հանձնումը կկայանա Ալեքսանդր Սպենդարյանի անվան Օպերայի եւ բալետի ազգային ակադեմիական թատրոնում։